ਕਪੂਰਥਲਾ,  11 ਫਰਵਰੀ, (ਹ.ਬ.) : ਪੰਜਾਬੀ ਨੌਜਵਾਨਾਂ ਨੂੰ ਅਰਮੀਨੀਆ ਨੇ ਸੁਨਹਿਰੇ ਭਵਿੱਖ ਦੇ ਸਾਹਮਣੇ ਦਿਖਾ ਕੇ ਲੱਖਾਂ ਰੁਪਏ ਠੱਗਣ ਵਾਲੇ ਟਰੈਵਲ ਏਜੰਟਾਂ ਦੇ ਸਬੰਧ ਰਸ਼ੀਅਨ ਮਾਫ਼ੀਆ ਨਾਲ ਹਨ। ਅਰਮੀਨੀਆ ਵਿਚ ਫਸੇ ਨੌਜਵਾਨਾਂ ਦੀ ਜਾਨ 'ਤੇ ਖ਼ਤਰਾ ਮੰਡਰਾਉਂਦਾ ਰਹਿੰਦਾ ਹੈ। ਇਸ ਸਮੇਂ ਵੀ ਅਰਮੀਨੀਆ ਵਿਚ ਕਰੀਬ  50 ਹਜ਼ਾਰ ਨੌਜਵਾਨ ਫਸੇ ਹੋਏ ਹਨ। ਇਨ੍ਹਾਂ ਨੌਜਵਾਨਾਂ ਨੂੰ ਬਾਅਦ ਵਿਚ ਅਰਮੀਨੀਆ ਤੋਂ ਜਾਨ ਜ਼ੋਖਮ ਵਿਚ ਪਾ ਕੇ ਸਮੁੰਦਰ ਪਾਰ ਕਰਕੇ ਇਟਲੀ, ਫਰਾਂਸ ਜਿਹੇ ਦੇਸ਼ਾਂ ਦੀ ਸਰਹੱਦਾਂ ਵਿਚ ਗੈਰ ਕਾਨੂੰਨੀ ਢੰਗ ਨਾਲ ਭੇਜਿਆ ਜਾਂਦਾ ਹੈ।
ਇਸ ਗੱਲ ਦਾ ਖੁਲਾਸਾ ਸ਼ਨਿੱਚਰਵਾਰ ਨੂੰ ਅਰਮੀਨੀਆ ਤੋਂ ਪਰਤੇ ਭੁਲੱਥ ਹਲਕੇ ਦੇ ਕਸਬਾ ਨਡਾਲਾ ਦੇ ਨੌਜਵਾਨ ਹਰਮਨਜੀਤ ਸਿੰਘ ਅਤੇ ਪਿੰਡ Îਇਬਰਾਹੀਮਵਾਲ ਦੇ ਰਹਿਣ ਵਾਲੇ ਸ਼ਮਸ਼ੇਰ ਸਿੰਘ ਅਤੇ ਉਸ ਦੀ ਪਤਨੀ ਪਿੰਕੀ ਨੇ ਕੀਤਾ। ਇਨ੍ਹਾਂ ਦੇ ਨਾਲ ਅੰਮ੍ਰਿਤਸਰ ਦੇ ਯੋਧਾ ਨਗਰੀ ਦਾ ਰਹਿਣ ਵਾਲਾ ਇੱਕ ਹੋਰ ਨੌਜਵਾਨ ਵੀ ਵਾਪਸ ਪਰਤਿਆ ਹੈ। 
ਨੌਜਵਾਨਾਂ ਨੇ ਦੱਸਿਆ ਕਿ ਉਹ ਲੋਕ ਚਾਰ ਨਵੰਬਰ ਨੂੰ ਅਰਮੀਨੀਆ ਦੇ ਲਈ ਗਏ ਸੀ। ਏਜੰਟ ਨੇ 700-750 ਡਾਲਰ ਤਨਖਾਹ ਦੇ ਸੁਪਨਾ ਉਨ੍ਹਾਂ ਦਿਖਾਏ। ਉਥੇ ਪੁੱਜ ਕੇ ਉਨ੍ਹਾਂ ਸਿਰਫ 300 ਡਾਲਰ ਤਨਖਾਹ ਦਿੱਤੀ ਗਈ ਜਿਸ ਵਿਚੋਂ 100 ਡਾਲਰ ਕਮਰੇ ਦਾ ਕਿਰਾਇਆ ਅਤੇ 100 ਡਾਲਰ ਖਾਣੇ ਵਿਚ ਖ਼ਰਚ ਹੋ ਜਾਂਦੇ ਸਨ।  ਏਜੰਟ ਨੇ ਉਨ੍ਹਾ ਰਹਿਣ ਅਤੇ ਖਾਣ ਦੀ ਵਿਵਸਥਾ ਕੰਪਨੀ ਵਲੋਂ ਦੱਸੀ ਸੀ। ਇਨ੍ਹਾਂ ਨੌਜਵਾਨਾਂ ਨੇ ਦੱਸਿਆ ਕਿ ਉਨ੍ਹਾਂ ਦੀ ਏਜੰਟ ਹਰਪ੍ਰੀਤ ਅਰਮੀਨੀਆ ਵਿਚ ਹੈ, ਜਿਸ ਦੇ ਭਰਾ ਦੇ ਰਸ਼ੀਅਨ ਮਾਫ਼ੀਆ ਨਾਲ ਸਬੰਧ ਹਨ। ਇਸ ਕਾਰਨ ਉਹ ਉਨ੍ਹਾਂ ਹਰ ਮੇਂ ਡਰਾਉਂਦੇ ਰਹਿੰਦੇ ਸਨ ਕਿ ਜੇਕਰ ਘਰ ਜਾਣ ਦੀ ਗੱਲ ਕੀਤੀ ਤਾਂ ਉਨ੍ਹਾਂ ਮਾਰ ਦਿੱਤਾ ਜਾਵੇਗਾ।

ਹੋਰ ਖਬਰਾਂ »