ਚੰਡੀਗੜ੍ਹ, 28 ਮਈ, ਹ.ਬ. : ਗੁਰੂਗ੍ਰਾਮ ਤੋਂ ਪਿਤਾ ਨੂੰ ਸਾਇਕਲ 'ਤੇ ਬਿਠਾ ਕੇ ਦਰਭੰਗਾ ਲਿਜਾਣ ਵਾਲੀ ਸਾਈਕਲ ਗਰਲ 'ਤੇ ਫ਼ਿਲਮ ਬਣੇਗੀ। ਜੋਤੀ ਜੋ ਆਪਣੇ ਪਿਤਾ ਨੂੰ ਸਾਈਕਲ 'ਤੇ ਹਰਿਆਣਾ ਦੇ ਗੁਰੂਗ੍ਰਾਮ ਤੋਂ ਬਿਹਾਰ ਦੇ ਦਰਭੰਗਾ ਲੈ ਕੇ ਆਈ ਸੀ, ਬਾਰੇ ਜਲਦੀ ਹੀ ਇੱਕ ਫਿਲਮ ਬਣੇਗੀ। ਫਿਲਮ ਨਿਰਮਾਤਾ ਕਮ ਨਿਰਦੇਸ਼ਕ ਵਿਨੋਦ ਕਾਪਰੀ ਨੇ ਜੋਤੀ ਅਤੇ ਉਸਦੇ ਪਿਤਾ ਮੋਹਨ ਪਾਸਵਾਨ ਨਾਲ ਫੋਨ ਤੇ ਗੱਲਬਾਤ ਕੀਤੀ। ਜੋਤੀ ਅਤੇ ਉਸਦੇ ਪਿਤਾ ਦੀ ਸਹਿਮਤੀ ਤੋਂ ਬਾਅਦ ਫਿਲਮ ਅਤੇ ਵੈੱਬ ਲੜੀਵਾਰ ਨਿਰਮਾਣ ਕਰਨ ਵਾਲੀ ਭਾਗੀਰਥ ਫਿਲਮ ਪ੍ਰਾਈਵੇਟ ਲਿਮਟਿਡ (ਬੀਐਫਪੀਐਲ) ਨਾਲ ਵੀ ਇਕਰਾਰਨਾਮਾ ਤੈਅ ਹੋਇਆ ਹੈ। ਇੰਨਾ ਹੀ ਨਹੀਂ, ਜੋਤੀ ਦੇ ਪਿਤਾ ਮੋਹਨ ਪਾਸਵਾਨ ਨੇ ਵੀ ਕੰਪਨੀ ਦੇ ਸਮਝੌਤੇ 'ਤੇ ਦਸਤਖਤ ਕੀਤੇ ਹਨ। ਹਾਲਾਂਕਿ, ਸਮਝੌਤੇ ਦੀ ਰਕਮ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਹੈ। ਫਿਲਮ ਦੀ ਪੇਸ਼ਕਸ਼ ਮਿਲਣ ਤੋਂ ਬਾਅਦ ਪੂਰੇ ਪਰਿਵਾਰ ਵਿਚ ਖੁਸ਼ੀ ਦੇਖਣ ਨੂੰ ਮਿਲੀ। ਜੋਤੀ ਦੇ ਪਿਤਾ ਨੇ ਕਿਹਾ ਕਿ ਇਹ ਚੰਗਾ ਹੈ ਕਿ ਜੋਤੀ ਦੀ ਕਹਾਣੀ 'ਤੇ ਇਕ ਫਿਲਮ ਦਿਖਾਈ ਜਾਵੇਗੀ। ਇਸ ਨਾਲ ਉਹ ਮਾਣ ਮਹਿਸੂਸ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਲੋਕਾਂ ਨੂੰ ਇਹ ਵੀ ਕਿਹਾ ਕਿ ਪੁੱਤਰ ਅਤੇ ਧੀ ਵਿਚ ਕੋਈ ਫਰਕ ਨਹੀਂ ਹੋਣਾ ਚਾਹੀਦਾ। ਅੱਜ ਉਸਦੀ ਪਛਾਣ ਅਤੇ ਨਾਮ ਉਸਦੀ ਧੀ ਕਾਰਨ ਹੈ। ਬੀਐਫਪੀਐਲ ਦੇ ਬੁਲਾਰੇ ਮਹਿੰਦਰ ਸਿੰਘ ਨੇ ਦਿੱਲੀ ਵਿੱਚ ਇੱਕ ਪ੍ਰੈਸ ਬਿਆਨ ਜਾਰੀ ਕਰਦਿਆਂ ਦੱਸਿਆ ਕਿ ਜੋਤੀ ਦੀ ਕਹਾਣੀ ਚੁਣੌਤੀਆਂ ਨਾਲ ਭਰੀ ਹੋਈ ਹੈ। ਅੱਜ ਜੋਤੀ ਦੇ ਪਿਤਾ ਨੇ ਵਿਨੋਦ ਕਪਰੀ ਦੀ ਕੰਪਨੀ ਬੀਐਫਪੀਐਲ ਨਾਲ ਇਕਰਾਰਨਾਮੇ ਤੇ ਦਸਤਖਤ ਕਰਕੇ ਇੱਕ ਫਿਲਮ ਅਤੇ ਵੈੱਬ ਸੀਰੀਜ਼ ਬਣਾਉਣ ਲਈ ਸਹਿਮਤੀ ਦਿੱਤੀ ਹੈ। ਜਿਸ ਦੇ ਤਹਿਤ ਜੋਤੀ 'ਤੇ ਬਣੀ ਫਿਲਮ ਦੇ ਸਾਰੇ ਅਧਿਕਾਰ ਵਿਨੋਦ ਕਪਰੀ ਨੂੰ ਦਿੱਤੇ ਗਏ ਹਨ। ਵਿਨੋਦ ਕਪਰੀ ਦੇ ਨੁਮਾਇੰਦੇ ਵਜੋਂ ਨਿਰਭੈ ਭਾਰਦਵਾਜ ਨੇ ਮੋਹਨ ਪਾਸਵਾਨ ਨਾਲ ਮੁਲਾਕਾਤ ਕਰਕੇ ਰਸਮਾਂ ਪੂਰੀਆਂ ਕੀਤੀਆਂ ਹਨ। ਫਿਲਮ ਨਿਰਮਾਤਾ ਵਿਨੋਦ ਕਪਰੀ ਨੇ ਦੱਸਿਆ ਕਿ ਉਹ ਜਾਣਦੇ ਹਨ ਕਿ ਇਹ ਯਾਤਰਾ ਕਿੰਨੀ ਖਤਰਨਾਕ ਹੈ, ਜਿਸ 'ਤੇ ਉਨ੍ਹਾਂ ਦੀ ਦਸਤਾਵੇਜ਼ੀ ਜਲਦੀ ਆ ਰਹੀ ਹੈ ਪਰ ਉਹ ਜੋਤੀ ਦੀ ਕਹਾਣੀ ਨੂੰ ਵੱਖਰੇ ਢੰਗ ਨਾਲ ਪੇਸ਼ ਕਰਨਾ ਚਾਹੇਗਾ ਕਿਉਂਕਿ ਸੰਘਰਸ਼ ਪਿਤਾ ਅਤੇ ਧੀ ਦੇ ਵਿਚਕਾਰ ਹੈ। ਵਿਨੋਦ ਕਾਪਰੀ ਛੇਤੀ ਹੀ ਦਰੰਭਗਾ ਆ ਕੇ  ਜੋਤੀ ਅਤੇ ਮੋਹਨ ਪਾਸਵਾਨ ਨਾਲ ਮੁਲਾਕਾਤ ਕਰਕੇ ਕਹਾਣੀ ਨੂੰ ਵਿਸਥਾਰ ਨਾਲ ਸਮਝਣਗੇ।

ਹੋਰ ਖਬਰਾਂ »

ਹਮਦਰਦ ਟੀ.ਵੀ.