ਵੈਲਿੰਗਟਨ, 19 ਜੁਲਾਈ, ਹ.ਬ. : ਨਿਊਜ਼ੀਲੈਂਡ ਦੇ ਕ੍ਰਾਈਸਟਚਰਚ  ਸ਼ਹਿਰ ਵਿਚ ਇੱਕ ਵੱਡਾ ਗੈਸ ਧਮਾਕਾ ਹੋ ਗਿਆ ਹੈ। ਇਸ ਹਾਦਸੇ ਵਿਚ 6 ਲੋਕ ਜ਼ਖਮੀ ਹੋ ਗਏ। ਇਸ ਘਟਨਾ ਤੋਂ ਬਾਅਦ ਦਰਜਨਾਂ ਘਰਾਂ ਨੂੰ ਖਾਲੀ ਕਰਵਾ ਲਿਆ ਗਿਆ। ਇਸ ਗੈਸ ਧਮਾਕੇ ਵਿਚ ਇੱਕ ਘਰ ਪੂਰੀ ਤਰ੍ਹਾਂ ਤਬਾਹ ਹੋ ਗਿਆ, ਆਸ ਪਾਸ ਦੇ ਮਕਾਨਾਂ ਨੂੰ ਵੀ ਨੁਕਸਾਨ ਪੁੱਜਿਆ ਹੈ। ਹਾਲਾਂਕਿ ਇਸ ਹਾਦਸੇ ਵਿਚ ਹੁਣ ਤੱਕ ਕਿਸੇ ਵੀ ਮੌਤ ਨਹੀਂ ਹੋਈ। ਵਿਸਫੋਟ ਮੀਲਾਂ ਦੂਰ ਆਸ ਪਾਸ ਮਹਿਸੂਸ ਕੀਤਾ ਗਿਆ। ਕੁਝ ਲੋਕਾਂ ਨੂੰ ਡਰ ਲੱਗਾ ਕਿ ਇਹ ਇੱਕ ਭੂਚਾਲ ਜਾਂ ਬੰਬ ਹੋ ਸਕਦਾ ਹੈ। ਬਾਅਦ ਵਿਚ ਸ਼ੋਅ ਦੇ ਫੁਟੇਜ ਤੋਂ ਪਤਾ ਚਲਦਾ ਹੈ ਕਿ ਘਰ ਲੱਕੜੀ ਅਤੇ ਮਲਬੇ ਦੇ ਢੇਰ ਵਿਚ ਤਬਦੀਲ ਹੋ ਗਿਆ ਸੀ ਅਤੇ ਅੱਗ ਦੀਆਂ ਲਪਟਾਂ ਨਿਕਲ ਰਹੀਆਂ ਸਨ। ਅਧਿਕਾਰੀਆਂ ਨੇ ਪੁਸ਼ਟੀ ਕੀਤੀ ਕਿ ਇਹ ਇੱਕ ਗੈਸ ਧਮਾਕਾ  ਸੀ। ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਉਹ ਅਜੇ ਵੀ ਇਸ ਦੇ ਕਾਰਨਾਂ ਦੀ ਜਾਂਚ ਕਰ ਰਹੇ ਹਨ। ਇੱਕ ਪ੍ਰਤੱਖਦਰਸ਼ੀ ਇਆਨ ਲੈਕੀ ਨੇ ਸਟਫ ਵੈਬਸਾਈਟ ਨੂੰ ਦੱਸਿਆ ਕਿ ਉਨ੍ਹਾਂ ਨੇ ਅਪਣੇ ਸਰੀਰ ਦੇ ਜ਼ਰੀਏ ਦਬਾਅ ਦੀ ਲਹਿਰ ਮਹਿਸੂਸ ਕੀਤੀ ਅਤੇ ਸੋਚਿਆ ਕਿ ਇਹ ਇੱਕ ਜਹਾਜ਼ ਹਾਦਸਾ ਹੋ ਸਕਦਾ ਹੈ। ਉਹ ਕਹਿੰਦੇ ਹਨ ਕਿ ਛਤ ਦੀਆਂ ਟਾਈਲਾਂ ਗੜ੍ਹਿਆਂ ਦੀ ਤਰ੍ਹਾਂ ਬਰਸਦੀਆਂ ਹਨ। ਅੱਗ ਨਾਲ ਆਸ ਪਾਸ ਦੇ ਪੰਜ ਹੋਰ ਘਰਾਂ ਨੂੰ ਵੀ ਨੁਕਸਾਨ ਪੁੱਜਿਆ ਹੈ।

ਹੋਰ ਖਬਰਾਂ »